4. Cavab kartlarının yoxlanılması və balların hesablanması

1. Cavab kartlarının yoxlanılması və balların hesablanması avtomatlaşdırılmış qaydada kompüter vasitəsilə həyata keçirilir.
2. İmtahanda hər bir sualın düzgün cavabı 1(bir) balla, yanlış cavab isə 0(sıfır) balla qiymətləndirilir. Nəticələr hesablanarkən yanlış cavabların sayı düzgün cavabların sayına mənfi təsir göstərmir.
3. Test imtahanında hər istiqamət üzrə düzgün cavabların sayı 50%-dən az olmamaq şərti ilə ümumi balı 80-dən az olmayan namizədlər test imtahanından keçmiş hesab olunur və müsahibəyə buraxılırlar.
4. Test imtahanı başa çatdıqdan sonra 3 gündən gec olmayaraq müsabiqənin nəticələri və müsahibə iştirakçılarının siyahısı elan olunur.