/ 01.02.2008 «Dövlət qulluğu haqqında»

«Dövlət qulluğu haqqında» Azərbaycan Respublikasının Qanununa əlavələr edilməsi barədə» Azərbaycan Respublikasının 2007-ci il 10 aprel tarixli 303-IIIQD nömrəli Qanununun tətbiqi ilə əlaqədar bəzi qanunvericilik aktlarına əlavələr və dəyişiklik edilməsi haqqında

Azərbaycan Respublikasının Qanunu

Azərbaycan Respublikasının Milli Məclisi qərara alır:

I. Azərbaycan Respublikasının 1999-cu il 7 dekabr tarixli 768-IQ nömrəli Qanunu (Azərbaycan Respublikasının Qanunvericilik Toplusu, 2000-ci il, № 1, maddə 12, № 12, maddələr 731, 736; 2004-cü il, № 2, maddə 57; 2005-ci il, № 4, maddə 274, № 7, maddə 590; 2006-cı il, № 11, maddə 926; 2007-ci il, № 1, maddə 1; Azərbaycan Respublikasının 2007-ci il 19 oktyabr tarixli 462-IIIQD nömrəli Qanunu) ilə təsdiq edilmiş “Gömrük orqanlarında xidmət haqqında Əsasnamə”yə aşağıdakı əlavələr və dəyişiklik edilsin:

1. VII fəslin adında “attestasiyası” sözündən sonra “və fəaliyyətinin qiymətləndirilməsi” sözləri əlavə edilsin.

2. 114-cü maddənin üçüncü hissəsi dördüncü hissə hesab edilsin və maddəyə aşağıdakı məzmunda üçüncü hissə əlavə edilsin:

“Gömrük orqanlarının vəzifəli şəxslərinin attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Gömrük orqanlarının vəzifəli şəxslərinin fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

II. Azərbaycan Respublikasının 2001-ci il 12 iyun tarixli 141-IIQ saylı Qanunu (Azərbaycan Respublikasının Qanunvericilik Toplusu, 2001-ci il, № 7, maddə 443; 2006-cı il, № 6, maddə 486, № 11, maddə 927, № 12, maddə 1013; 2007-ci il, № 1, maddə 1, № 5, maddə 441; Azərbaycan Respublikasının 2007-ci il 19 oktyabr tarixli 462-IIIQD nömrəli Qanunu) ilə təsdiq edilmiş “Dövlət vergi orqanlarında xidmət haqqında Əsasnamə”yə aşağıdakı əlavələr edilsin:

1. VI fəslin adında “attestasiyası” sözündən sonra “və fəaliyyətinin qiymətləndirilməsi” sözləri əlavə edilsin.

2. 55-ci maddəyə aşağıdakı məzmunda ikinci hissə əlavə edilsin:

“Vergi orqanlarının vəzifəli şəxslərinin attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Vergi orqanlarının vəzifəli şəxslərinin fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

III. “Prokurorluq orqanlarında qulluq keçmə haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2001-ci il, № 7, maddə 452, № 12, maddə 731; 2002-ci il, № 12, maddə 706; 2005-ci il, № 10, maddə 902; 2006-cı il, № 11, maddə 927; 2007-ci il, № 1, maddələr 1, 4, № 2, maddə 82, № 6, maddə 570; Azərbaycan Respublikasının 2007-ci il 19 oktyabr tarixli 462-IIIQD nömrəli və 23 oktyabr tarixli 465-IIIQD nömrəli qanunları) aşağıdakı əlavələr edilsin:

1. 2.2-ci maddədə “həyata keçirilməsinə” sözlərindən sonra “, dövlət qulluqçularının fəaliyyətinin qiymətləndirilməsinə” sözləri əlavə edilsin.

2. 14-cü maddənin adında “attestasiyası” sözündən sonra “və fəaliyyətinin qiymətləndirilməsi” sözləri əlavə edilsin.

3. 14.1-ci maddəyə aşağıdakı məzmunda ikinci hissə əlavə edilsin:

“Prokurorluq işçilərinin attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Prokurorluq işçilərinin fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

IV. Azərbaycan Respublikasının 2001-ci il 29 iyun tarixli 168-IIQ saylı Qanunu (Azərbaycan Respublikasının Qanunvericilik Toplusu, 2001-ci il, № 7, maddə 453, № 12, maddə 731; 2004-cü il, № 10, maddə 760; 2005-ci il, № 4, maddə 280, № 10, maddələr 871, 872; 2006-cı il, № 10, maddə 846, № 11, maddə 927; Azərbaycan Respublikasının 2007-ci il 19 oktyabr tarixli 457-IIIQD nömrəli və 23 oktyabr tarixli 465-IIIQD nömrəli qanunları) ilə təsdiq edilmiş “Azərbaycan Respublikasının daxili işlər orqanlarında xidmət keçmə haqqında Əsasnamə”yə aşağıdakı əlavələr edilsin:

1. 2-ci maddənin ikinci abzasında “həyata keçirilməsinə” sözlərindən sonra “, dövlət qulluqçularının fəaliyyətinin qiymətləndirilməsinə” sözləri əlavə edilsin.

2. 44-cü maddəyə aşağıdakı məzmunda ikinci hissə əlavə edilsin:

“Daxili işlər orqanları əməkdaşlarının attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Daxili işlər orqanları əməkdaşlarının fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

V. “Diplomatik xidmət haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2001-ci il, № 9, maddə 567; 2002-ci il, № 12, maddə 703; 2004-cü il, № 6, maddə 414; 2005-ci il, № 10, maddə 873) aşağıdakı əlavələr edilsin:

1. 14-cü maddənin adında “attestasiya” sözündən sonra “və fəaliyyətinin qiymətləndirilməsi” sözləri əlavə edilsin.

2. 14.1-ci maddəyə aşağıdakı məzmunda ikinci hissə əlavə edilsin:

“Diplomatik xidmət əməkdaşlarının və diplomatik xidmət orqanlarının inzibati-texniki xidmətini həyata keçirən inzibati vəzifə tutan şəxslərin attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Diplomatik xidmət əməkdaşlarının və diplomatik xidmət orqanlarının inzibati-texniki xidmətini həyata keçirən inzibati vəzifə tutan şəxslərin fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

VI. Azərbaycan Respublikasının 2004-cü il 8 iyun tarixli 682-IIQ nömrəli Qanunu (Azərbaycan Respublikasının Qanunvericilik Toplusu, 2004-cü il, № 7, maddə 514; 2006-cı il, № 3, maddə 221, № 11, maddə 927; Azərbaycan Respublikasının 2007-ci il 19 oktyabr tarixli 462-IIIQD nömrəli Qanunu) ilə təsdiq edilmiş “Feldyeger rabitəsi orqanında xidmət keçmə haqqında Əsasnamə”nin 87-ci maddəsinə aşağıdakı məzmunda üçüncü hissə əlavə edilsin:

“Feldyeger rabitəsi orqanı əməkdaşlarının attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Feldyeger rabitəsi orqanı əməkdaşlarının fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

VII. “Ədliyyə orqanlarında qulluq keçmə haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2006-cı il, № 7, maddə 586; 2007-ci il, № 1, maddə 1; Azərbaycan Respublikasının 2007-ci il 19 oktyabr tarixli 462-IIIQD nömrəli və 23 oktyabr tarixli 465-IIIQD nömrəli qanunları) aşağıdakı əlavələr edilsin:

1. 2.2-ci maddədə “həyata keçirilməsinə” sözlərindən sonra “, dövlət qulluqçularının fəaliyyətinin qiymətləndirilməsinə” sözləri əlavə edilsin.

2. 17-ci maddənin adında “attestasiyası” sözündən sonra “və fəaliyyətinin qiymətləndirilməsi” sözləri əlavə edilsin.

3. 17.1-ci maddəyə aşağıdakı məzmunda ikinci hissə əlavə edilsin:

“Ədliyyə orqanları işçilərinin attestasiyası zamanı onların xidməti fəaliyyətinin qiymətləndirilməsinin nəticələri nəzərə alınır. Ədliyyə orqanları işçilərinin fəaliyyətinin qiymətləndirilməsi “Dövlət qulluğu haqqında” Azərbaycan Respublikasının Qanunu ilə müəyyən edilmiş qaydada həyata keçirilir.”.

VIII. Bu Qanun dərc edildiyi gündən qüvvəyə minir.

İlham Əliyev,

Azərbaycan Respublikasının Prezidenti

Bakı şəhəri, 1 fevral 2008-ci il.

№ 538-IIIQD